Қазақстанда төтенше жағдайлар туралы халықты хабардар ету жүйесін жаңғыртуға 10 миллиардтан астам теңге бөлінді, алайда ел тұрғындарының 41,2%-ы дабылды естиді. ТЖ министрлігінің деректерінше, дабыл-дыбыстау құрылғысында олқылықтар бар, кейбір елді мекендер хабардар ету жүйесі жабдықталмаған.
Қазіргі уақытта елімізде 3 578 дабыл-дыбыстау құрылғысы мен электр сиреналары бар, бұл ретте сиреналардың ең көбі Алматыда (843), ал ең азы — Абай облысында (39) орналасқан. 2016-2023 жыл аралығында қомақты қаржы салынғанына қарамастан, халықтың жартысынан азы дабылды естиді.
Бөлінген қаражат жылжымайтын мүліктің нарықтық құнымен салыстырсақ: құлақтандыру жүйесін жаңғыртуға жұмсалған сомаға Астанада 550-ден астам бір бөлмелі пәтерді сатып алуға болар еді.
ТЖМ өкілінің айтуынша, негізгі проблема кейбір елді мекендерде хабардар ету құрылғылары жеткіліксіз, ал дабыл құрылғысы бар жерлерде олардың шалғай орналасуына байланысты дұрыс естілмейді. Бұл мәселені шешу үшін дабыл құрылығысына қажеттілік қайта есептелді, бірақ бұл бастаманың нақты нәтижелері әзірге жарияланбады.
Тоқсанына кемінде бір рет хабарлау жүйесінің жұмысын тұрақты тексеру Қазақстанның ТЖ жедел ден қоюға дайындығын растайды. Алайда, халықты хабардар ету тиiмдiлiгiн арттыру үшiн қосымша шаралар мен инвестициялар керек.