Қазақстанның Экология және табиғи ресурстар министрлігі (ЭТРМ) Бутаковка шатқалында инженерлік инфрақұрылымды дамытуға бағытталған заңнамаға өзгерістер енгізу жоспарын ұсынды. Ұсынылған шаралар туристік объектілерді қолдау мақсатында ЭБЖ, кәріз жүйесін және Ассы платосына жол салуды қамтиды.
ЭТРМ ақпаратына сәйкес, қолданыстағы заңнамада ерекше қорғалатын табиғи аумақтарда (ЕҚТА) және елдi мекендерден тыс орналасқан туристiк объектiлерде инженерлiк инфрақұрылым құру қажеттiгi ескерiлмеген. Ұсынылып отырған өзгерістер су құбырларын, кәріз-тазарту құрылыстарын, жылу және электр желілерін жобалауға және салуға жергілікті бюджеттен қаражат бөлуді көздейді.
Негізгі жобалардың бірі Іле Алатауы мемлекеттік ұлттық паркі орналасқан Бутаковка шатқалында ЭБЖ және кәріз жүйесінің құрылысы. Сондай-ақ Ассы платосына жол салу көзделуде. Бұл өзгерістер Ашық НҚА сайтында 28 желтоқсанға дейін талқыланады.
Сонымен қатар, табиғи құбылыстарға жедел ден қоюға және мемлекеттік ұлттық парктерде инженерлік инфрақұрылымды жобалау мен салуды жеңілдетуге бағытталған заң жобасы ұсынылды.