Қазақстанда табысы ең төменгі күнкөріс деңгейінен төмен отбасылар үлесі 4%-дан 4,5%-ға дейін өсті. Қалалық жерлерде көрсеткіш 2,4%-дан 3,2%-ға дейін, ауылдық жерлерде 6,3%-ға дейін артты.
Өңірлер бойынша табысы ең төменгі күнкөріс деңгейінен төмен үй шаруашылықтар үлесі ең жоғары пайызы Түркістан облысында — 9,1%. Кейін тізімде Солтүстік Қазақстан (6%) және Маңғыстау (5,8%) облыстары тұр.
Ең жақсы көрсеткіш Нұр-Сұлтанда тіркелді, онда отбасылардың 1,6%-ы төмен табысқа ие, сондай-ақ Қарағанды (2%) және Атырау (2,8%) облыстарында.
2020 жылдың бірінші тоқсанымен салыстырғанда табысы ең төменгі күнкөріс деңгейінен төмен халықтың үлесі үш өңірде ғана төмендеді: Түркістан (0,7%), Қарағанды (0,1%) және Ақтөбе (0,1%) облыстары.
Қалған өңірлерде табысы төмен халықтың үлесі артты. Ең төменгі көрсеткіш Алматы (2,4%), сондай-ақ Шымкент (1,1%), Павлодар (1%) және Солтүстік Қазақстан (1%) облыстарында тіркелді.
Отбасылардың шығыны тұрғындарды децильді топтарға бөлу кезінде үлкен айырмашылықты көрсетеді. Мысалы, биыл бірінші тоқсанында ең аз қамтамасыз етілген халықтың 10%-ы мен ең көп қамтамасыз етілген халықтың 10%-ының шығыстары айырмашылық 5,8 есе: орта есеппен жан басына шаққанда 26,8 мың теңге және 156 мың теңге.
Оның ішінде тұтыну шығындары бойынша айырмашылық 5,4 есе: орта есеппен жан басына шаққанда 25,8 мың теңге және 139,5 мың теңге. Азық-түлік өнімдеріне шығын — 4,3 есе, ақылы қызметтерге — 5,6 есе, киімге, матаға және аяқ киімге — 5,1 есе айырмашылық бар.
Әсіресе, несие мен борышты өтеуге жұмсалатын шығын бойынша айырмашылық — 17,4 есе.
Knight Frank ‘s 2021 Wealth Report баяндамасына сәйкес, 2020-2025 жылдары Қазақстанда 30 млн АҚШ долларынан асатын адамдардың саны 33%-ға артады деп болжануда. Салыстыру үшін көршілес Ресейде олардың саны болжам бойынша 29%-ға өседі.