Қазақстандағы қолайсыз ауа райына байланысты еліміздің үш облысында автожолдардың төрт учаскесінде көліктің барлық түрлері үшін қозғалыс уақытша жабылды. Бұл туралы «ҚазАвтоЖол» АҚ хабарлайды.
Ақтөбе облысында «Аманат» кемпингінен Қарабұтақ аулына дейінгі 844-965 шақырым, Самара-Шымкент тас жолы жабылды. Алматы облысында Жаңақұрылыс ауылынан Жамбыл облысының шекарасына дейін 59-143 шақырым қашықтық, Алматы — Ташкент — Термез тас жолы жабылды. Жамбыл облысында да екі учаске жабылды: Кенен ауылынан Қайнар ауылына дейін 159-238 шақырым және Алматы облысының шекарасынан Қордай ауылына дейін 143-214 шақырым жабылды.
Қолайсыз ауа райына байланысты автожолдарда қар тазалау және көктайғаққа қарсы материалдарды себу үшін 272 бірлік техника жұмылдырылды.