«Қазіргі жағдайда Ресейде отан алдындағы борышын өтеу қауіпті ме? Егер бұл сұраққа қысқаша жауап берсек, онда әрине қауіпті», — деп сенеді батыстық сарапшылар.
Соғыстың бірінші кезеңінде Украина аумағында мерзімді қызметтегі сарбаздар соғысты, бұл қоғамда үлкен резонанс тудырды.
Сол сәтте Ресей президенті Владимир Путин ресейліктерге мерзімді қызметтегі сарбаздар соғыс қимылдарына қатыспайды деп уәде беріп, қоғамдағы наразылықты тез арада бәсеңдетті.
Содан бері бұл тақырып жабылды, себебі Кремль қателіктерді ескеріп, сол уақыттан бастап әскерге шақырылушыларды ұрыс аймағына жаппай жіберу жағдайлары тіркелмеді.
Батыстың соғыс жүргізу саласындағы сарапшылары осы мәселе бойынша былай деп жазады.
«Айта кету керек, қазір Ресей-Украина соғысы әскерге шақырылушылардың белсенді әскери іс-қимылдарына қатысып не қатыспауы кез келген уақытта өзгеруі мүмкін. Қазіргі таңда әскерге шақырылушылардың Бахмут немесе Угледарға аттанбайтыны белгілі, бірақ бұл олардың толық қауіпсіздікте екенін білдірмейді», — дейді әскери сарапшылар.
Фото: Сарапшылар ресейлік әскерге шақырылушылардың жағдай қиын болады деп есептейді
Олардың пікірінше, әскерге шақырылушыларға мынадай қауіп төніп тұр:
«Біріншіден, әскерге шақырылушылар соғыс маңындағы аймақтарда — Курск, Брянск, Белгород облыстарында тыл қызметтерін атқарады. Өз кезегінде Украина әскері аталған аумақтарды ара-тұра оқ жаудырып тұрады. Дегенмен Киев Украина Қарулы Күштері РФ аумағындағы басқыншылар позициясы бойынша жұмыс істеп жатқанын ресми түрде мойындамайды.
Екіншіден, мерзімді қызметтегі сарбаздардың келісімшарт бойынша әскери қызмет етуге белсенді түрде итермелеуде. Ел билігі РФ Қарулы Күштерімен келісім-шарттқа қол қоюды белсенді түрде жарнамалауда.
Үшіншіден, Украинадағы белсенді ұрыс аймағына мерзімді қызметтегі сарбазды жіберуге кедергі келтіретін бір де бір заңнамалық шектеу жоқ. РФ заңнамасына сәйкес белсенді жауынгерлік қимылдар жүріп жатқан аумақ Ресей аумағы болып табылады.
Бәрімізге белгілі, Кремль Украинаның Донецк, Луганск, Херсон және Запорожье облыстарының аумақтарын аннексиялағанын мәлімдеді. Сондықтан Кремльдің көзқарасы бойынша бұл аумақтарға сарбаздарды соғысуға жіберу заңды болып отыр».
Сонымен қатар олар РФ-да билік басындағылар мұндай қадамға бармайтынын айтады, өйткені бұл Путиннің ел ішіндегі беделіне нұқсан келтіруі мүмкін.
«Бірақ бәрі тез өзгеруі мүмкін. Айта кетейік, 4 сәуірде РФ Мемлекеттік Думасы бітімгершілік миссияларының құрамына мерзімді қызметтегі сарбаздарды қосуға көздейтін заң жобасын бірінші оқылымда мақұлдады.
Фото: Сарапшылар ресейлік әскерге шақырылушылардың жағдай қиын болады деп есептейді
Батыстық әскери сарапшылар электронды шақыру қағаздары туралы жаңа заңды Украинадағы оқиғалардың дамуымен байланыстырып отыр.
«Путинге Украинада соғысты жалғастыру үшін адам ресурстары қажет екенін ескеретін болсақ, онда оқиғаның осылай өрбуі әбден мүмкін.
Сондай-ақ Путин әскерге шақыру жасындағы ресейліктерді есепке алуды реформалау туралы заңға қол қойды. Осылайша, Ресейде электронды әскерге шақыру мен әскери міндеттілердің бірыңғай тізілімі енгізілді. Бұл заң әскерге шақыру туралы хабарлау жүйесін айтарлықтай өзгертеді. Шақыру қағазы электрондық түрде әскери міндеттіні жеке кабинетіне орналастырған сәттен бастап алынған болып есептеледі. Бұл заң мобилизации қатысты ма деген сұрақ туындайды? Иә, жатады. Кейбіреулер бұл заң тек тұрақты шақыруға ғана қатысты дейді. Бірақ заң әскерге шақыру туралы ешнәрсе айтылмаған, сондықтан жаңа енгізілген өзгерту барлық әскери міндетті ресейлік азаматтарға қатысты.
Путин режимі РФ-ның әрбір әскери міндетті азаматы кез келген уақытта соғыс алаңында болуы үшін бәрін жасап жатыр», — деп мәлімдейді батыстық сарапшылар.