ЕУРО-2024 іріктеу кезеңінің алтыншы туры нәтижесі бойынша Қазақстан құрамасы Н тобында төртінші орында тұр. Топта Словения мен Дания көш бастап тұр. Даниялықтар Хельсинкиде финдерді 1:0 есебімен жеңді, ал Словения Сан-Марино құрамасын 4:0 есебімен оңбай ұтты.
Қазір іріктеу кезеңіндегі жағдай мынадай: Словения мен Дания 13 ұпай еншілеп көш бастаса, одан кейін Финляндия мен Қазақстан 12 ұпайме тұр, ал Солтүстік Ирландия үш ұпай жинаған, Сан-Марино топтың соңында тұр. Топтағаы төрт командада Еуро-2024 жарысына қатысу үшін мүмкіндіктер бар.
Қазақстан құрамасын алда қиын матчтар күтіп тұр, қалған төрт матчтың үшеуі сырт алаңда өтеді: Дания (14 қазан), Финляндия (17 қазан) және Словения (20 қараша). Өз алаңында жалғыз матч 17 қарашада Сан-Марино құрамасына қарсы өтеді.
Қазақстан құрамасы өз тарихында жаңа рекорд орнатты. Әлем және Еуропа чемпионаттарына іріктеу кезеңінде алғаш рет 12 ұпай еншіледі. Бұған дейін ЕУРО-2008 мен ЕУРО-2020 іріктеу кезеңінде 10 ұпай жинған болатын.