Қазақстан мен Қырғызстан шекарасында индустриялық сауда-логистикалық кешен салынады. Кешенді құру туралы келісімге Қазақстанның сауда және интеграция мәселелері жөніндегі вице-премьер-министрі Серік Жұманғарин мен Қырғыз Республикасының экономика және коммерция министрі Данияр Амангелдиев қол қойды.
«Бұл біз ұзақ уақыт күткен оқиға, ол тек техникалық жағынан ғана маңызды емес. Бұл біздің экономикалық және достық қарым-қатынастарымызды дамытудағы алға тағы бір қадам. Келісім бірнеше жыл бұрын қол қоюға дайын болған, біз егжей-тегжейлі нақтылап, инвесторларды тарттық», — деп атап өтті Жұманғарин.
Ресми дереккөздерден алынған ақпаратқа сәйкес, кешеннің құрылысы Қазақстан мен Қырғызстан шекарасында, Қарасу-Ақ Тілек өткізу пунктіне жақын орналасқан аумақта жоспарланған.