Қазақстан азаматтарынан салық рақымшылығы бойынша 2 млрд теңге есептен шығарылды

3 февраля 23:37

Мемлекеттік кірістер комитеті 2021 жылғы 31 желтоқсанда Қазақстан азаматтарына мүлік салығы, жер салығы және көлік құралдары салығы бойынша салық рақымшылығы аяқталғанын мәлімдеді.

Жеке тұлғалар үшін өсімпұлды есептен шығару бойынша салықтық рақымшылығы Қазақстан Республикасының 2020 жылғы 2 шілдедегі Заңына сәйкес жүргізілді.

Есептен шығарудың басты шарты салық бойынша негізгі борыш сомасын төлеу болып табылады.

Өсімпұлды есептен шығару үшін ешқайда жүгінудің қажеті жоқ еді. Қарыздың негізгі сомасын төлеу жеткілікті болды және өсімпұл автоматты түрде есептен шығарылды.

Мәселен, 2020 жылғы 1 қаңтардағы жағдай бойынша 21 697 164 206 теңге негізгі қарызы және 4 254 324 271 теңге мөлшерінде өсімпұл сомасы бар 1 513 879 азаматтың салықтық рақымшылыққа қатысуға құқығы бар болатын.

Жыл қорытындысы бойынша өсімпұлды есептен шығару шарасын 1 057 764 азамат (70%) пайдаланды, олар бойынша 14 849 385 721 теңге (68%) мөлшерінде негізгі борыш сомасы төленді және 2 050 503 348 теңге (48%) сомасында өсімпұл есептен шығарылды.

Салық бөлінісіндегі статистика мынадай:

Мемлекеттік кірістер комитетімен өсімпұлдарды есептен шығару бойынша акция қорытындысы бойынша 1 млн.астам азаматтың 2 млрд. теңге қарызын есептен шығарды.

Мемлекеттік кірістер комитеті 2020 жылғы салық рақымшылығын пайдаланғандардың саны бойынша нәтижелер 2019 жылғы өткен салық рақымшылығының нәтижелерінен асып түскен (2020 жылы 1,1 млн азамат, 2019 жылы 755,7 мың азамат немесе 300,0 мың адамға көп).