2023 жылы Қазақстан полициясы төрт шетелдік криминалдық авторитеттің ел аумағына кіруіне жол бермеді, деп атап өтті ұйымдасқан қылмысқа қарсы күрес департаментінің бастығы Қанат Нұрмағамбетов. Ол сондай-ақ Жүргізіліп жатқан жұмыстың нәтижесінде құрамына Қазақстан азаматтары да, жақын шет мемлекеттердің азаматтары да кіретін алты трансұлттық ұйымдасқан қылмыстық топтың қызметі тоқтатылғанын атап өтті.
Нұрмағамбетовтың айтуынша, аймақтарда жекелеген қылмыстық топтарды анықтау және олардың әрекетінің жолын кесу бойынша жедел-іздестіру іс-шаралары тұрақты негізде жүргізіледі. Атап айтқанда, Биыл тек Қарағанды облысының өзінде ықпал ету салаларын өзара бөліске салып қана қоймай, өңірдің ірі кәсіпорындарынан тауарлық-материалдық құндылықтарды ұрлаған қарсылас екі ұйымдасқан қылмыстық топқа тосқауыл қойылды. Нәтижесінде 70-ке жуық адам ұсталды, олардың 30-ы тұтқындалды. Ұйымдасқан қылмыстық топ құрғаны, басқарғаны және оған қатысқаны үшін, сондай-ақ қару сақтау, ұрлық, бұзақылық, бопсалау, денсаулыққа ауыр зиян келтіру және кісі өлтіруге оқталу фактілері бойынша бірнеше қылмыстық істер тіркелді