Қазақстан СІМ өкілінің айтуынша, Қазақстан Президенті Қасым-Жомарт Тоқаев Ауғанстанда тұратын этникалық қазақтарды қайтаруды тапсырды.
Қазақстан СІМ қандастарды елге қайтару мәселесімен айналысады, деп хабарлайды сыртқы саясат ведомствосының ресми өкілі Айбек Смадияров.
«Ауғанстандағы этникалық қазақтардың өтініштеріне байланысты Мемлекет басшысы СІМ-ге олардың қауіпсіздігін қамтамасыз етумен, қажет болған жағдайда тарихи отанына қайтару мәселесі бойынша барынша көмек көрсетуді тапсырды, — деді ол журналистерге арналған брифингте. — Қазақстанның Кабулдағы елшілігіне осы мәселені ерекше бақылауына алуды тапсырды».
Смадияровтың айтуынша, Ауғанстан аумағында 15-ке жуық этникалық қазақтардың отбасы тұрады, шамамен 200 адам. Сондай-ақ, ол Қазақстан Ауғанстаннан басқа босқындарды қабылдамайтынын мәлімдеді.