Атырау облысының әкімі Махамбет Досмұхамбетов өз есебінде өңірдің шағын және орта бизнесінің қалай дамып жатқаны туралы айтып берді. Атап айтқанда, ол өздері өндірген өнім көлемін атап өтіп, көрсетілген көмек туралы есеп берді.
«Бірінші жартыжылдықта ШОБ субъектілері 1 трлн 148 млрд теңгенің өнімін өндірді. Жеке санаттар бойынша 20 мыңнан астам салық төлеуші 6 млрд теңге көлемінде салықтық жеңілдіктерге ие болды. Мемлекет басшысының тапсырмасы бойынша облыста 204 ШОБ субъектісі мемлекеттік мүлікті жалға беру кезінде төлеуден босатылды. «Бизнестің жол картасын» іске асыру кезеңінде өңірде 134 млрд теңге несиелендірудің жалпы сомасы бойынша 1925 жоба субсидияланып, кепілдендірілді, 7 мыңнан астам жаңа жұмыс орны құрылды», — деп хабарлады Махамбет Досмұхамбетов STSK өткен брифингте.
Ол 2020 жылы ШОБ қолдау көрсету үшін 4,1 млрд теңге бөлінгенін, 335 кәсіпкер қаржылай көмек алып, 466 жаңа тұрақты жұмыс орны ашылғанын еске салды.
«Бизнес аймақ» өңірлік бағдарламасы жүзеге асырылған 7 жыл ішінде ауылда 513 жоба қаржыландырылды. 705 адам тұрақты табыс тапты. Кәсіпкерлікті қолдау картасы аясында 660 жұмыс орны жоспарланған. Оларды құны 16 млрд теңгеге жуық 8 жаңа жоба қамтамасыз етеді», — деді аймақ басшысы.
Әкім АӨК көрсеткіштеріне жеке тоқталды. Климаттың күрделі болуына қарамастан, өңірде 10 ай ішінде құны 73 млрд теңгенің ауыл шаруашылығы өнімдері өндірілді.
«Атырау облысы топырақ құнарлылығы төмен шөлейт және жартылай шөлейт аймақта орналасқан. Осыған қарамастан бізде мал басының барлық түрлері өсіріледі. Соңғы 5 жылда облыс бойынша құны 19 млрд теңгені құрайтын 10 ірі жоба жүзеге асырылып, 689 жұмыс орны ашылды», — деп атап өтті ол.
2020 жылы ауыл шаруашылығын қолдауға бюджеттен 3,2 млрд теңге бөлінді. «Биыл егіс көлемі 9300 гектарды құрады, өткен жылмен салыстырғанда ол 4,5%-ға, ал өнім өндірісі 6-ға өсті», — деп хабарлады Махамбет Досмұхамбетов.
Атырау облысында жергілікті тұрғындар жұмыспен қамтылатын бірнеше ірі инвестициялық жобалар жүзеге асырылуда. «Бізде «Теңіз болашағын кеңейту жобасы» өте ірі жобасы аяқталуда, сәйкесінше адамдар жұмыс аяқталғаннан кейін босатылады. Бірақ басқа да жобалар жоспарланып, жүзеге асырылуда. Бұл кешен КРІ, газ өңдеу зауыттарын салу жоспарлануда, сондай-ақ біз инвесторды қосу және полиэтилен шығару бойынша жобаны іске асыру мәселесін шешеміз деп күтудеміз. Облыста 2026 жылға дейін 46 инвестициялық жобадан тұратын пул құрылды. Бұл шамамен 9 мың жұмыс орнын ашуға және 7 трлн теңгеден астам инвестиция тартуға мүмкіндік береді», — деп хабарлады аймақ басшысы.