Астанада жүргізілген ауқымды операция барысында қоқыс өңдеу зауытында заңсыз жұмыс істеп жүрген 37 өзбекстандық ұсталды. ҚР ІІМ Көші-қон қызметі комитеті бір күнде елде болу тәртібін бұзған 119 гастарбайтерді анықтап, шетелдіктердің интимдік қызмет көрсетуі бойынша бес дерегін анықтады.
Операция барысында түрлі орындар, соның ішінде пәтерлер, хостелдер, жатақханалар, құрылыс нысандары, өнеркәсіптік аймақтар мен базарлар тексерілді. Ведомство қызметкерлері заңнаманың сақталуына назар аударып, шетелдіктерді тиісті рұқсатынсыз жұмысқа қабылдағаны үшін қылмыстық жауапкершілік барын ескертті.
Бұған дейін Алматыда 100-ден астам шетелдік ұсталғаны. хабарланған еді. Жеке құжаттарын ұсынбаған 50 шетелдік ПД қабылдау-тарату орнына жеткізілді. ҚР ӘҚБК 517-бабының 4-бөлігі бойынша 13 шетелдік әкімшілік жауапкершілікке тартылды және 39 шетелдік азаматқа қатысты тексеру жалғасуда.