Арнайы операция аясында Астанадағы дәмхананың бірінде мекеме клиенттеріне тыйым салынған заттарды сатқан ер адам ұсталды. Бұл туралы Orda.kz Ішкі істер министрлігіне сілтеме жасап хабарлайды.
Астана қаласы полиция департаментінің экстремизмге қарсы іс-қимыл басқармасының қызметкерлері дәмханада тінту жұмыстарын жүргізіп, гашиш салынған пакет тапты. Екі полиэтилен орамынан табылған есірткі заттарының салмағы 10,15 грамм болып шықты.
Ұсталған 49 жастағы ер адамға қатысты қылмыстық іс қозғалды. Қазіргі уақытта ол қамауда отыр. Полиция қызметкерлері елордадағы мекемелерде қауіпсіздікті қамтамасыз ете отырып, есірткі саудасына қарсы күресті жалғастыруда.