ҚР Қаржы министрлігі республиканың орасан зор көлемдегі мемлекеттік қарыз туралы сынға түсініктеме берді. Хабарланғандай, қарызға қарсы макроэкономикалық жағдайды ескеретін құжат әзірленуде.
Парламент палаталарының бірлескен отырысында қаржы министрі Ерұлан Жамаубаев Есеп комитетінің мемлекеттік қарыздың өсуіне қатысты сынына қатысты түсінік берді.
Бұған дейін оның ЖІӨ-ге қатынасы 29,4%-ға жетіп, жаңа бюджет саясаты тұжырымдамасында белгіленген 27% шегінен асып кеткені хабарланған болатын. Қаржы министрлігінің басшысы тұжырымдамада көрсетілген ЖІӨ-ге қатысты 27% көрсеткіш индикативті екенін және оны Үкімет дағдарысқа дейінгі кезеңде қабылдағанын түсіндірді. Мемлекеттік қарыздың ЖІӨ-ге қатынасы ЕАЭО туралы шарт пен ҚР 2025 жылға дейінгі Ұлттық даму жоспарында көрсетілген лимиттен аспайды.
«Қазіргі уақытта бұл Тұжырымдама күшін жойды, макроэкономикалық жағдайды және экономикалық дамудың басқа параметрлерін ескере отырып жаңа құжат әзірленуде. Қалай болғанда да, барлық қарыз көрсеткіштері сол қалыпта сақталады және қауіпсіз деңгейде болады», — деп түсіндірді Ерұлан Жамаубаев.
Есеп комитетінің басшысы Наталья Годунова парламент палаталарының бірлескен отырысында мемлекеттік қарыздыі өсуі елдегі макроэкономикалық тұрақтылыққа қауіп төндіретінін атап өтті. «Бұған қарсы тұратын қауқар әлі бар. Бірақ бізде қабылданған борыштық міндеттемелер бойынша қарызды қашан, қандай көздерден және қандай қандай көлемде өтеу жоспарлануын қалар едік Және бір-үш жылға емес, кем дегенде 10 жылға есептелуі керек. Бұл жерде айқындылық пен ашықтық қажет. Сондай-ақ мемлекеттік органдардың қазіргі қызметін іске асыру, халықаралық консультанттарды тарту және шетелдік тәжірибені зерделеу үшін сыртқы қаржыландыру көздерін тарту практикасын болдырмау қажет. Бізде осы міндеттерді жүзеге асыру үшін өзіміздің қаржылық және адами ресурстарымыз жеткілікті», — деді ол.
Сыртқы қарыздарды ұтымсыз тарту және пайдалану, сондай-ақ оларды уақтылы игермеу және күшін жойғаны үшін жеке жауапкершілікті қатаңдату талап етіледі, деп толықтырды Наталья Годунова.