Ресейде өтіп жатқан АрМИ-2021 халықаралық әскери жарыстарында қазақстандық экипаж «Танк биатлонында» жеңіске жетті.
Жарыс айналымындағы қарсыластар Әзербайжан, Беларусь және Сербия командаларының алғашқы экипаждары болды.
«Жарыс басында-ақ Аягөз танк бригадасының механик-жүргізушісі аға сержант Думан Байжанов қарқынын үдетті. Ол трассадағы барлық кедергілерден мінсіз өтті. Гвардейск кентінен келген танк бригадасының әскери қызметшілері экипаж командирі капитан Абдулхәкім Дүйсенов пен көздеуші-оператор 3-сыныпты сержант Сұңғат Сәдуақасов НСВТ және ПКТ сынды зеңбіректер мен оқшашарлардан барлық нысанаға дәл тигізді», — деп хабарлайды Қорғаныс министрлігінің баспасөз қызметі.
Әзербайжан мен Беларусь елдерінен шыққан қарсыластар салмақты бәсекелестер.
Жеке жарыс аясында әлі екінші және үшінші айналымдар өтеді. Барлық үш экипаждың жиынтық уақыты есептеліп, жартылай финалға қатысушылар анықталады.