Соңғы отыз жылда жайылымдар жойылған Қарағанды облысында ауыл шаруашылығы жерлерін қалпына келтіру жоспарланып отыр.
Облыс әкімдігінде хабарлауынша, аймақта облыстық бюджет қаражатына тозған жайылымдарды қалпына келтіру бойынша пилоттық жоба жүзеге асырылуда. Елді мекендерге жақын орналасқан жерлерді көпжылдық шөптермен көгалдандырды. Жақын арада бұл жерде жасыл алқап болады.
Қарағанды облысы осындай пилоттық жобаны елімізде бірінші болып жүзеге асыруда. Бұл өте қажет, себебі ауыл малына арналған жайылым мәселесі өткір тұр. Жұмыс көп жылдар ішінде мал суарылған және табиғи жаңару қабілетінен айырылған жерлерде жүргізіледі. Бұқар жырау ауданында, Жаңаталап, Тегіс-жол және Ростовка ауылдық округтерінде тозған және төмен өнімді жайылымдар қалпына келтіріле бастады. Көп жылдық шөптер — бидайық пен эспарцет егілді. Жыл соңына дейін осындай жұмыстарды Нұра ауданында жүргізу жоспарланған, — деді Ауыл шаруашылығы басқармасының агрономы Алпысбай Рахымжанов.
Жоба бойынша әр ауданда 1000 гектар алқапты қамтиды
Маманның айтуынша, алдағы екі жылда оң нәтиже күтілуде. Шөптің күшейіп, көтерілуі үшін уақыт қажет. Содан кейін жаңартылған жайылымдарға мал жаюға болады.
Облыста барлық ауыл шаруашылығы жануарларының 40% -ы жеке шаруашылықтарда шоғырланған. Жобаны іске асыру мал жаю мәселесін шешуге мүмкіндік береді. Жеке шаруашылықтарды қолдау және тұрақты азық базасын құру түптеп келгенде экологиялық таза және арзан мал шаруашылығы өнімдері өндірісін ұлғайтуға мүмкіндік береді.
Аудан әкімдіктерінің мәліметінше, облыс бойынша елді мекендер маңындағы 1,5 млн гектар жайылымдық жер мал жаюға жарамсыз. Жерді қалпына келтіру жұмыстары жалғасады.