АҚШ мемлекеттік хатшысы Майк Помпео Қытайдың Шыңжаңдағы ұйғыр мұсылмандарына қатысты қуғын-сүргінді «геноцид және адамгершілікке қарсы қылмыс» жасады деп мәлімдеді.
Майк Помпео «Қытайдың Шыңжаңдағы саясаты, тәжірибесі және теріс пайдалануы» туралы құжаттарды зерттеп, қуғын-сүргін 2017 жылдың наурыз айынан бері белсенділік танытып келеді деген қорытындыға келді деп ата өтілді.
«Қолда бар фактілерді мұқият зерттегеннен кейін мен ҚХР ҚКП-ның басшылығымен және бақылауымен Шыңжаңдағы мұсылман ұйғырлары мен басқа да этникалық және діни азшылықтарға қарсы геноцид жасалғанын анықтадым. Менің ойымша, бұл геноцид әлі жалғасып жатыр және қытайлық партия тарапынан ұйғырларды жүйелі түрде жойып жіберу әрекеттерінің куәсі болып отырмыз», — делінген Майк Помпеоның АҚШ әкімшілігінің ауысуы қарсаңында мәлімдемесінде.
Сарапшылардың пайымдауынша, Помпеоның бұл мәлімдемесі президент Дональд Трамп билігінің соңғы жылында ондаған жылдардың ішінде ең төменгі деңгейге дейін құлдыраған әлемнің экономикасы бойынша жетекші екі ел арасындағы шиеленіскен байланыстарды одан әрі ушықтырады.
Бұған дейін АҚШ Қытайдың шенеуніктері мен компанияларына ШҰАА ұйғырларына қатысты заңсыз әрекеттері үшін бірнеше рет санкция қолданған болатын.
ҚХР АҚШ-тың ұйғырларға қысым жасады деген айыптарын жоққа шығарады.