Алматыдағы №121 мектепте жылытумен байланысты проблемалар туындап, кейбір сыныптарда температура +15 градусқа дейін төмендеп, ата-аналардың алаңдаушылығын тудыруда. Оқушылардың ата-аналарының ақпаратына сәйкес, кейбір оқушыларды суыққа байланысты сабақтан ерте босатып жатыр.
«Сыныптарда температура шамамен 15 градусқа дейін төмендеген. Балалар тоңып жатыр. Көбі сабаққа бармай жүр. Суыққа байланысты екінші ауысым оқушылары үйлеріне ерте қайтарылып жатыр», — деп шағымдануда ата-аналар.
Білім басқармасы аталған жағдайға қатысты түсініктеме бере отырып, жылыту жүйесі дұрыс жұмыс істемейтінін айтты. Мектеп әкімшілігі Informburo.kz жолдаған сауалға берген жауабында бірден Әуезов ауданы бойынша жылыту жүйесіне жағдайдың себебін анықтау үшін жүгінгені айтылған. Жылу желісінің дерегі бойынша, радиаторларда ауаның шығарылмауына байланысты температура төмендеген.
Мектепті аралағаннан кейін тек екі оқу кабинетінде ғана температура төмендегені анықталды. Нәтижесінде сабақтар басқа кабинеттерде өтті, қазір сол екі кабинетте температура қалыпқа келді.
«Қазіргі уақытта екі кабинетте температура қалыпқа келді. Қалған кабинеттерде температуралық режим + 18 градус және одан жоғары нормаға сәйкес келеді. Оқу процесі штаттық режимде жүріп жатыр», — деп хабарлады білім басқармасы.
Оқу кабинеттеріндегі проблеманың шешілгеніне қарамастан, ата-аналар оқушылардың жайлылығы мен қауіпсіздігін қамтамасыз ету үшін қосымша шараларды талап ете отырып, мектеп суық болып отырғанына алаңдаушылық танытып отыр.