Алматыдағы барахолкада ірі жол апаты болды
Жол апаты болған жерде түсірілген видео Instagram-пабликтерде жарияланды.
Полицияның хабарлауынша, көліктердің соқтығысуы салдарынан төрт адам жарақат алған.
«14 желтоқсанда таңғы сағат 08:10-да Mercedes маркалы көліктің жүргізушісі Солтүстік айналма жолында солтүстік бағытта келе жатқан. Ол көлікті басқаруды тізгіндей алмай, қарсы қозғалыс жолағына шығып, Nissan маркалы көлікпен соқтығысып, соққыдан оң жақтағы Toyota мен одан әрі Isuzu көлігіне соқтығысқан. Төрт адам дене жарақатын алды, оның ішінде екі жүргізуші мен екі жолаушы», — деп хабарлады жергілікті полиция қызметі басқармасының кезекші бөлімі.
Аталған деректі Алматы қаласы Жетісу аудандық полиция басқармасының қызметкерлері өндіріске алды.