Алматыда Қазақстан, Қырғызстан, Украина және Ресейден әуесқой теннисшілер арасындағы турнир аяқталды. Екі күннің ішінде 100-ден астам ойын өткізілді.
Forte Open турниріне барлығы 50-ден астам ойыншы қатысты.
Анықтама! Forte Open турнирі Алматыда бесінші рет өткізіліп жатыр (2020 жыл пандемия салдарынан өтпеді, бірақ биыл Forte Open турнирі өтті).
Жыл сайын жарысқа қатысатын ойыншылар саны ғана емес, үлкен тенниске қызығушылық танытып отырған балалар мен ересектер саны да артып келеді.
Биыл Forte Open Almaty 2021 екі катергория бойынша өтті: ерлер жұбы және Pro-Am Mix, турнирге Қазақстан, Қырғызстан, Ресей және Украинадан 51 ойыншы қатысты. Екі күннің ішінде 100-ден астам ойын өтті — үздік жұптар жүлделі орындар үшін бақ сынады.
Турнирдің жайлы толығырақ
Masters категориясындағы жекелей ерлер разрядының финалы тек көрнекі және эмоционалды болып қана қоймай, халықаралық дәрежеде өтті: Алмаз Хакимов (Екатеринбург, Ресей) Мирсаид Миржалиевке (Бішкек, Қырғызстан) қарсы бақ сынады. Екі теннисші де турнирдің басты ойынына жеңіліссіз жетті және олар қайсысы үздік екенін анықтады.
Бір жарым сағаттық тартысты бәсекеден кейін төрешілер «Гейм! Сет! Матч! Алмаз Хакимов, 8:3» деп хабарлады. Мирсаид Миржалиев екінші орынды иеленді. Алматылық Юрий Ким үшінші орынды иемденді.
Pro-Am категориясындағы ойындар да тартысты болды. Кәсіпқой қыздар жақсы ойын көрсетті, дегенмен әуесқой ерлер де бірнеше рет ойындарымен мен ұпайымен гуілдетті.
Masters категориясындағы ақтық сайыста Альбина Хабибулина/Владимир Пономарев бірінші орын алды. Олар финалда Анастасия Кириллова (Украина) мен Бейбіт Әпсенбетовті (Қазақстан) 8/4 есебімен жеңді. Көшбасшылар үштігін Лариса Бекметова мен Сергей Шахворостов, ал төртінші орынды Александр Гринчишин/Жан Бениаминов иеленді
«Forte Open — республикадан тыс жерде танымал турнир. Егер әуесқойлық турнирлердің рейтингі бар болса, онда Forte Open елде көш бастап тұратын еді, ТМД-да бірінші орынға үміткер болар еді. Үлкен теннис Алматы үшін маңызды жарыстардың бірі екеніне сенімдімін», — деді Gorky Tennis Park-тың басқарушы директоры Сергей Мазур.
Ересектер турнирінен кейін балалар бақ сынайды
Дәстүрлі түрде ересектерге арналған турнирден кейін балалар арасында кубок ойнатылады. Gorky Tennis Park-те тұрақты түрде 650-ден астам бала тенниспен айналысады. Жақын арада турнирді ұйымдастырушылардың серіктестерінің қайырымдылық жарнасы есебінен ұйымдастырылатын Forte Kids Open өткізілетіні жарияланды.