Алматы облысындағы аудандардың бірінде жоғары қызмет атқаратын прокуратура қызметкері пара алып жатқан жерінен ұсталды. Orda.kz хабарлауынша, қадағалау органы операцияны ҚР Бас прокуратурасының жеке қауіпсіздік басқармасымен бірлесіп жүргізді.
Күдікті прокуратура қызметкері үш миллион теңге пара алды деп айыпталуда. ҚР ҰҚК Алматы облысы бойынша департаментінің бесінші басқармасының қызметкерлері Алматыдан кетіп бара жатқан аудандардың бірінің аға прокурорын ұстады.
Аталған дерек бойынша сотқа дейінгі тергеу амалдары жүргізіліп жатыр. Оқиға құқық қорғау органдарының бақылауында.