Қазақстанның Ғылым және жоғары білім министрлігі қаңтар-ҰБТ қорытындысын жариялады. 134 мыңнан астам талапкер жоғары білім алуға деген құлшынысын көрсетіп, тестілеуге қатысты.
Ұсынылған мәліметтерге сәйкес, талапкерлердің 76,4% – ы қазақ тілінде, 23,5% – ы орыс тілінде, 83 адам ағылшын тілінде тестілеуден өтті.
Министрлік ҰБТ басталғалы шекті балды 77,5%-ға жуық талапкер жинағанын хабарлады. Орташа балға келетін болсақ, ол 69 балды құрады. Ең жоғары балл – 137. Жалпы, 72 талапкер 130-дан жоғары балл жинады.
Тестке қатысушылардың басым бөлігі «Биология-Химия» комбинацияларын таңдаған, атап айтқанда, 18%-ы тапсырды. «Математика-Физика» пәндерін 17% таңдаған. Сондай-ақ, топ-3 қатарына талапкерлердің 12% таңдаған «Математика-Информатика» комбинациясы кірді. Ең аз таңдалған комбинация – «Химия-Физика», оны 149 адам тапсырған.
2024 жылғы қаңтар ҰБТ-сының қорытындысы бойынша талапкерлер «Оқу сауаттылығы» пәнін жоғары деңгейде тапсырды. Орташа есеппен, сұрақтардың 78%-ына дұрыс жауап берілген.
Бұл деректер талапкерлердің Қазақстанның жоғары оқу орындарына түсуге деген құлшынысын көрсетеді.