Алматы облысының Еңбекшіқазақ ауданаралық көпсалалы ауруханасында Қазақстанда алғаш рет ата-аналары бас тартқан балаларға арналған беби-бокстар қойылды.
Аурухана директоры Жәмила Әбеуованың айтуынша, беби-бокстардың жанында бақылау камералары болмайды, барлығы құпия болады. Қалдырылған балаға бірден қажетті медициналық көмек көрсетіледі.
«Әйел баланы дүниеге әкеліп, өмірлік қиын жағдайда қалғанда, одан бас тартқысы келсе, баланы тәрбиелеуге немесе моральдық тұрғыдан отбасында беруге мүмкіндігі болмаса осында келе алады. Беби-бокс әйелдерге камерасыз, бақылаусыз келіп, баланы осында қалдыруға мүмкіндік береді. Анасының үш ай бойы ойланып, баласын қайтарып алуға мүмкіндігі бар «, — деді ол.
Жәмила Әбеуова бұл қаламаған сәбилердің өмірін сақтап қалуға көмектеседі және аналарының қылмыс жасаудан тоқтатады деп санайды.
«Бұл мәжбүрлі шындық. Біз жаңа туған нәрестелердің өз ата-аналарының қолымен өлтірілгенін, қоғамдық дәретханаларда қалдырылғанын немесе ауылдың немесе қаланың шетінде құтырған жануарлардың талап кеткенін қаламаймыз. Мұндай бассыздық мемлекеттік шаралармен тоқтатылуы тиіс», — деді ол.
Бұл бастама қолдау таппады