1 қыркүйекте «Жауынгерлік бауырластық — 2023» жедел-стратегиялық оқу-жаттығулары басталады, оның аясында Тәжікстан мен Қырғызстаннан келген әскери бөлімшелер Беларусьтің Брест облысындағы Баранович 61-ші жойғыш авиациялық базаның аэродромына келді.
Аталған оқу-жаттығулар Ұжымдық қауіпсіздік туралы шарт ұйымы (ҰҚШҰ) шеңберінде ұйымдастырылған және 6 күн бойы жалғасады.
Тәжікстан Қорғаныс министрлігінің хабарлауынша, оқу-жаттығулардың мақсаты — ұжымдық қауіпсіздікті қамтамасыз ету үшін әскери бөлімшелердің өзара іс-қимылының тиімділігін пысықтау. Оқу-жаттығу барысында түрлі салаларда, соның ішінде Брест, Гродненск және Минск қалаларында тактикалық маневрлер өткізіледі.
Бұл оқу-жаттығулар ҰҚШҰ-ның кең ауқымды іс-қимылдарының бір бөлігі ретінде стратегиялық мәнге ие. Олар мүше мемлекеттер арасындағы ұжымдық қауіпсіздік саласындағы ынтымақтастықты нығайтуға және іс-қимылдарды үйлестіруге бағытталған. «Өзара іс-қимыл-2023» jқу-жаттығуының негізгі аспектілерінің бірі — Шығыс Еуропа өңіріндегі дағдарыстық жағдайларды шешу үшін ҰҚШҰ ұжымдық қауіпсіздік жүйесінің күштері мен құралдарын үйлестіруге және пайдалануға бағытталған.
Мұндай іс-шаралар ҰҚШҰ-ға мүше елдерге қорғаныс қабілетін нығайтуға және өңірдегі тұрақтылық пен қауіпсіздікті қамтамасыз ету бойынша бірлескен іс-қимылға дайын болуға мүмкіндік береді.