БАҚ: Мәскеудегі дүкендердің бірінде қатты жарылыс болды
Мәскеуде Адмирал Ушаков бульварындағы «Перекресток» дүкенінде жарылыс болды.
Қатты жарылыс пен өрт шыққаны туралы хабарланды.
Қолда бар ақпарат бойынша, барлық адамдар эвакуацияланды. Куәгерлер қатты түтін шыққанын айтып отыр.
Жарылыс орнында түсірілген кадрлар желіде жарияланып жатыр. Видеода дүкен көпқабатты үйге жақын орналасқан тұрғын алабындағы үш қабатты ғимараттың бірінші қабатында орналасқаны көрінеді.
Дүкеннің артқы жағында ашық жалын байқалды, оның жанында ондаған көлік тұрақта тұрған.
Жарылыс пен өрттің шығуына не себеп болғаны әзірге белгісіз. Мосгаздың мәліметінше, отқа оранған ғимаратқа газ жүргізілмеген.
Алдын ала ақпарат бойынша, газ баллондары жарылған.