Брянск облысында темір жолда жарылыс болды, деп хабарлады аймақ басшысы Александр Богомаз. Белгісіз жарылғыш зат Снежетьская теміржол стансасында жарылды, салдарынан локомотив пен жүк құрамының бірнеше вагоны рельстен шығып қалды. Алдын ала мәліметтер бойынша, ешкім зардап шеккен жоқ, алайда оқиға орнында барлық шұғыл қызметтер жұмыс істеп жатыр.
РТЖ бұған дейін Снежетьская — Белые Берега тем3р жолында локомотив пен 20-ға жуық жүк поезының вагондары рельстен шыққанын хабарлаған болатын. Теміржол компаниясының ақпараты бойынша, өрт шықпады, ал зардап шеккендер туралы хабарланбады.