Қазақстан Президенті Қ.К.Тоқаев көршілес республикаға мемлекеттік сапармен баруды жоспарлап отыр.
«21-22 желтоқсан күндері Қазақстан Республикасының Президенті Қасым-Жомарт Тоқаев Өзбекстан Республикасына мемлекеттік сапармен барады», — делінген хабарламада.
Ақорданың мәліметінше, Мемлекет басшысы Өзбекстан Президенті Шавкат Мирзиёевпен келіссөз жүргізіп, екіжақты іс-әрекеттің өзекті мәселелерін, сауда-экономикалық, мәдени-гуманитарлық және көлік-транзиттік ынтымақтастықты одан әрі нығайту перспективаларын талқылайды. Сондай-ақ олар өңірлік және халықаралық күн тәртібін қарастырады.
«Мемлекеттік сапар аясында бірқатар екіжақты шарт пен келісімге қол қойылады деп жоспарланып отыр», — деп толықтырды Ақорда.