Қазақстан билігі президенттікке үміткерлердің теледебатын өткізуге 63 млн теңге жұмсамақ.
Қаражат студияны ұйымдастыруға және қосымша қызметкерлерді жұмысқа алуға жұмсалады.
Орталық сайлау комиссиясының мүшесі Анастасия Щегорцованың айтуынша, қаражат «Хабар» телеарнасының өтініші бойынша ұсынылған.
«Қаражат студияның декорациясына, жарықтандыруға, тікелей эфир кезінде байланысқа, қосымша қызметкерлерді жұмысқа алуға жұмсалады», — деді телеарна басқарма төрағасының орынбасары Дәулетхан Жиенқұлов.
Журналистер «Хабар» студиясында бұған дейін де президенттікке үміткерлердің пікірсайыстары өткенін атап өтті. Анастасия Щегорцова 2019 жылы дебатқа пайдаланған декорациялар бір реттік болғанын және сақталмағанын мәлімдеді.
«Менің ойымша, бұл мүмкін емес. Оның үстіне, бұл бағдарлама жыл сайын қаржыландырылатын «Хабардың» жоспарында қарастырылмаған. Бұл қаражат тікелей ОСК-ның шығындар сметасында көзделген. Заңға сәйкес, ОСК-ның пікірсайыс өткізуге құзыреті бар», — деді ол.
11 қарашада сағат 20.00-де «Хабар» телеарнасында Қазақстан президенттігіне үміткерлердің сайлауалды дебаты өтеді. Қазіргі президент Қасым-Жомарт Тоқаевты қоспағанда, барлық кандидаттар пікірсайысқа қатысады. Оның орнына Мәжіліс спикері — Amanat партиясының төрағасы Ерлан Қошанов келеді.