Украина билігі жел энергетикасының барлық қондырғыларынан айырылғанын мәлімдеді.
Энергетика министрі Герман Галущенко атап айтқанда, жасыл энергетиканың негізгі бөлігі оңтүстікте орналасқанын, қазір оның шығыны айтарлықтай екенін айтты. Министрдің айтуынша, «жел» энергетикасының 90%-ы және «күн» энергетикасының 45-50%-ы пайдаланудан шығарылған.
Галущенко 2019 және 2020 жылдары Украинада жасыл энергетика қарқынды өскенін айтты. Тиісінше оның Украинадағы энергия жүйесіндегі үлесі шамамен 10-11%-ды құрады.
«Біз 2030 жылы Украинадағы «жасыл» энергетиканың үлесі 25%-ды құрайтынын көздейтін стратегияға қол жеткізгенбіз. Біздің жеңісімізден кейін, Ресей келтірген залалды ескере отырып, біз оны қайта қарап, пайызды арттыра аламыз деп есептеймін», — деді министр.
Украина энергетикалық инфрақұрылымының 30%-ға жуығы 10 қазан, дүйсенбіден бастап Ресейдің зымыран шабуылдарына ұшырады, деп мәлімдеді өткен аптада Украинаның энергетика министрі Герман Галущенко.