АҚШ жаңа әскери көмек пакеті аясында Украинаға HIMARS дүркіндете ататын қару жүйесін беретінін мәлімдеді, егжей-тегжейі келесі аптада жария етіледі.
Бұл туралы сейсенбі күні өткен брифингте АҚШ Ұлттық қауіпсіздік және стратегиялық коммуникациялар кеңесінің үйлестірушісі Джон Кирби мәлім етті.
«Біз Украинаға тарихи деңгейдегі қауіпсіздікті ұсынуды жалғастырамыз. Кейінірек осы аптада әкімшілік Украинаға арналған әскери жабдықтарды қамтитын жаңа көмек пакетін жариялайды. Бұл Джо Байден президенттікке келгелі бері Украинаға жолданған көмектің 16-шы пакеті болмақ», — деді ол.
Кирби жаңа көмек пакетінде «украиндықтарға соғыс алаңындағы жағдайды өз пайдасына шешу үшін өте тиімді пайдаланған» қосымша HIMARS атыс жүйелері, сондай-ақ дүркін атыс реактивті жүйелері пен артиллерияның реактивті жүйелеріне арналған қосымша снарядтарды қамтиды деп нақтылады.
Анықтама! M142 HIMARS жүйелері — дөңгелекті шассидегі америкалық дүркін атыс реактивті жүйесі