Энергетика министрлігінің басшысы елдегі бағаның өсуіне қатысты түсінік беріп, қазақстандықтарға «артық шығындарды азайтуға» кеңес берді. Алайда министр әлеуметтік маңызы бар азық-түлік бағасының өсуіне байланысты күн көру үшін қаражат таппай отырғандарға не істеу керектігін айтпады.
Қазақстандықтар мұндай кезеңдерден өткен, деп атап өтті Әлібек Қуантыров.
Үкімет аясында журналистер министрге қазақстандықтардың басым көпшілігі жалақысының жартысынан астамын азық-түлікке жұмсайтынын айтты.
«Өкінішке орай, бұл жаһандық проблема, егер статистикаға қарайтын болсаңыз, батыс елдері, АҚШ, Ресей, Орталық Азия осындай мәселеге тап болып отыр. Бұл пандемия кезінде басталған жеткізу тізбегінің үзілуінен туындаған жаһандық проблема. Жеткізілімдер жалғасты, бірақ кейін соңғы оқиғалар қосылды», — деді Әлібек Қуантыров.
Министрлік басшысы логистикалық проблемалар бағаға қатты әсер ететінін атап өтті. Оның айтуынша, нарық бейімделгенше баға құбылмалылығы сақталады.
«Бірақ менің ойымша, жағдай тұрақталуы тиіс», — деп толықтырды ол.
Журналистер министрден өзіне артық аяқ киім сатып алу қаржылай жағдайы жоқ ел тұрғындарына қандай кеңес беретінін сұрады, себебі баға қатты көтерілді.
«Мүмкіндігінше бюджетті оңтайландырып, артық шығындарды азайту керек. Біз мұндай кезеңдерден өттік. Өкінішке қарай, экономика циклді, ара-тұра осындай мәселелер туындап тұрады. Біз қазір инфляцияның шарықтау шегіне жетпедік, ол 2015-2016 жылдары болған. Қазір соңғы екі-үш аймен салыстырғанда ол (инфляция. — Авт.) тұрақталуы тиіс, менің ойымша, тек күту керек», — деп түйіндеді Әлібек Қуантыров.