Ресейлік IP-адресі бар пайдаланушылар Netflix-ке кіре алмай қалды. Портал танымал сериалдың жаңа маусымының премьерасы қарсаңында ашылмай қалды.
Бұл туралы Dtf.ru. интернет-алаңында хабарланды.
Контенттің орнына сервистің басты бетінде «Қолжетімді емес» деген жазу шығады. Пайдаланушылар бұл сервис әкімшілігі тарапынан саналы түрде енгізген шектеу деп отыр, себебі VPN қосылғанда сервис жұмыс істеп кетеді. Танымал «Оғаш дүниелер» атты қорқынышты сериалының төртінші маусымының тұсаукесері 27 мамырда өтетіндіктен, бұл күдік тудыруда.
6 наурызда Netflix Ресейдің Украинадағы соғыс қимылдарына қарсылық білдіріп, Ресей аумағындағы жұмысты тоқтатты. Үш апта уақыт өткен соң сервистің мобильді қосымшасы Ресейде жүктеу және жаңарту қолжетімді болмай қалды.