АК-159/18 колониясында пластилиндік терапияны психолог бұрын Қылмыстық-атқару жүйесі департаментінің екі мекемесінде енгізілген «Оңалту түрмесі» бағдарламасы шеңберінде қолданады.
Пенитенциарлық мекемедегі психолог негізгі тұлға болып табылады. Сотталған адамның бас бостандығынан айыру орындарында қандай психикалық және эмоционалдық жағдайда жазасын өтейтіні, жаңа әлеуметтік ортаға қаншалықты тез бейімделетіні және теріс эмоциялар мен басқа да көріністерді шешуді үйрену үшін оның қандай дағдылар мен іскерліктерді меңгеретіні оның сапалы жұмысына байланысты, бұл көбінесе сотталған адамның алдағы өмірін анықтай алады.
Пенитенциарлық психологтар қолданатын жеке психикалық кеңес берудегі заманауи әдістердің бірі пластилиндік терапия болып табылады. Пластилинді терапияны пайдаланудың негізгі мақсаты — психологпен әңгімелесу кезінде алаңдататын нәрселерді айтып, өз күйзелістерімен бөлісу, психологтар сотталғандардың мәселесін біліп, сотталғанның алаңсыз жағдайын шешуге көмектеседі.
«Мен арабпын, Иорданияда дүниеге келдім. Отбасында 10 ағайындымыз және 5 әпке-қарындасымыз бар, мен 6-шымын. Бала кезімнен ұшқыш болуды армандадым, сондықтан тілдерді көп үйрендім, қазір әлемнің алты тілін білемін. Мен әлемнің барлық елдерінде болдым деуге болады. Жұбайымды Грузияда кездесіп, сол жерде қалдым. Қазір мен тұтқындалғанға дейін заңсыз істермен айналысқанымды түсінемін. Бірақ, бұл кезде жеңіл ақша мені әрдайым қызықтырып отырды, ал ақшаға деген ашкөздігім мені баурап алды деуге болады, бұл ретте мен осының арты не болатынын ұмыттым. Қазір өз қылықтарым үшін қатты өкінемін және кінәмді мойындаймын. Жеңіл ақша болмайды, әрқашан өз сұранысы болады. Менің серіктестерім Қазақстанда ұсталған кезде мен Грузияда болдым. Мені сол жерде ұстады. Кейін мені Қазақстан Республикасына экстрадициялады. Қамауға алынғаннан кейін маған өте қиын болды, күйзеліс шегінде болдым, бірақ мен мойымадым, ойымнан алшақтап, орыс және қазақ тілдерін үйренуге тырыстым. Бірақ мен өз миымды қалай жүктесем де, өзім де, іске аспаған жоспарларым үшін қорқыныш пен алаңдаушылықтарым да, колонияда өткізуім керек болған жылдар ішінде ұйықтауға мүмкіндік бермеді. Менің өмірім осымен аяқталды деп ойладым. Бір сәтте мен шаршадым. Бірақ мекеме психологы дер кезінде менің ішкі жағдайыма назар аударды. Барлық алаңдаушылығымды білдіру оңай болған жоқ, өйткені мен өзімнің эмоционалдық жағдайымды толық түсінбедім. Психолог маған пластилиндік терапияны ұсынды. Маған бұл жұмыс әдісі, түрлі түсті түстер, пластилиннің жұмсақ құрылымы және психологтың қолдауы қатты ұнады, осының бәрі маған айтуға көмектесті, ал содан кейін менің алаңдаушылығым неде екенін түсінуге көмектесті. Менің сүйікті әйелім мен кішкентай балам маған сеніп, күтіп жатқанын мүлде ойлаған жоқпын. Мен түсінбедім де, ол туралы ойламадым. Енді менің бір мақсатым — өз мерзімімді өтеп, өз отбасыма оралу», — деді сотталушы АК-159/18 мекемесінің сотталушысы.
АК-159/18 мекемесінің бастығы Нұралы Дүйсенбеков пенитенциарлық психолог қызметіндегі басты мәселе — белгілі бір білімді меңгеру және жұмыс әдісін таңдай білу екенін атап өтті. «Психологқа дағдарыстық және стресстік жағдайларды еңсеруде әрбір сотталушыға психологиялық көмек көрсету бойынша негізгі қызмет жүктелген», — дейді Дүйсенбеков.