Украина билігі Ресей Федерациясы Украина аумағында өздеріне оң көзқараспен қарайтын қоғам құруды жоспарлап отыр деп мәлімдеді.
Бұл туралы Сыртқы істер министрлігінің бұрынғы басшысы Павел Климкин мәлімдеді.
Әлеуметтік желілердегі парақшасында ол былай деп жазды: «Путин — Байденнің кездесуі алдындағы Ресейдің соңғы белгісі — РФ МД жаңа паспорттау туралы заңға енгізген түзетулер. Енді Украина мен Беларусь азаматтары «өзін-өзі айқындау» негізінде төлқұжат ала алады, — деп жазды Климкин.
Экс-министрдің айтуынша, Ресей Украинада өзіне адал болатын «бесінші колоннаны» құруға әрекет жасап жатыр.
«Іс жүзінде кез келген уақытта ісімізге араласу қаупі туындайды, ал бізді Кремль ел ретінде сұр түсті аймақта қалдырғысы келеді, содан кейін паспорты көп болатын жекелеген өңірлерді тұрақсыздық тудырмақ», — деп атап өтті Климкин.
Бұған дейін Мемлекеттік Думаның депутаты, ТМД істері жөніндегі комитет төрағасының бірінші орынбасары Константин Затулин («Единая Россия») отандастарына қатысты немесе орыс тілін еркін меңгерген шетелдіктер үшін репатриацияға құқылы болатын заң жобасын енгізген болатын. Заң жобасы репатриацияға құжаттарды беру тәртібін, репатриант болған отбасы мүшелеріне қатысты оның нормаларын қолдануды сипаттайды, РФ-ға тұрақты тұру үшін көшуді және тұру үшін ықтиярхат алу тәртібін ескертеді. Депутат сондай-ақ «отандастар» ұғымын нақтылауды ұсынды, ол «РФ аумағынан тыс шет елде тұратын және РФ аумағында бұрыннан тұрып келген халықтарға жататын адамдар мен олардың ұрпақтарын» білдіреді. Бұл тізбеге, атап айтқанда, мемлекет құраушы ұлт (орыстар), беларусь және украин халықтарының өкілдері кіруі тиіс.