Әзірбайжан Президенті Ильхам Әлиев пен Еуропалық Одақтың Оңтүстік Кавказ жөніндегі арнайы өкілі Тойво Клаар Баку мен Ереван арасындағы қарым-қатынасты қалыпқа келтіруге қатысты бірқатар маңызды мәселелерді талқылады.
«Кездесуде Армения мен Әзірбайжан арасындағы қарым-қатынасын қалыпқа келтіру, қос ел арасындағы бейбіт келісім бойынша келіссөздер үдерісі, шекараны делимитациялау жөніндегі брюссельдік кездесудің қорытындылары туралы пікір алмасылды», — делінген жұма күні Әзірбайжан мемлекет басшысының сайтында жарияланған хабарламада.