Шымкент қалалық полициясының баспасөз хатшысы Мөлдір Бекеева өзіне қол салмақ болып жансақтау бөліміне түскеннен кейін оған қатысты тергеу тоқтатылды.
«Сотқа дейінгі тергеу барысында ПД жедел басқару орталығы (ЖБО) қызметкері мен оның басшысы арасындағы жанжал ҚР ҚК 131-бабы (қорлау) бойынша екені анықталды Осыған байланысты, ҚР ҚІЖК 35-бабы негізінде сотқа дейінгі тергеу тоқтатылды. Өз кезегінде қызметкерге азаматтық тәртіпте сотқа жүгінуге құқығы бар екендігі түсіндірілді», — деп мәлімдеді ПД өкілдері.
Сондай-ақ, Бекееваның өзіне-өзі қол жұмсауға әрекеттену бойынша сотқа дейінгі тергеу материалдарын Қаратау аудандық полиция басқармасы сыбайлас жемқорлыққа қарсы іс-қимыл агенттігінің Шымкент қаласы бойынша департаментіне бергенін айтты.
Еске салайық, бұған дейін әлеуметтік желіде әйел ер адамды қорлаған аудиожазба таралған болатын. Аудиода Бекеева қоластындағы адамға балағат сөздері айтқаны естіледі, полиция баспасөз хатшысы бұл өзінің дауысы емес екенін мәлімдеді. 6 сәуірде Бекеева өзіне қол салмақ болып, дансақтау бөліміне түскені белгілі болды. Оның қалдырған жазбасында оған ҚР ҚК 378-бабының 1-бөлігі (билік өкілін қорлау) бойынша қылмыстық іс қозғалғанын, алайда қаулыны оған БАҚ-та жариялайсын деп беруден бас тартқанын хабарлады. Сондай-ақ, ол Шымкенттің ПД бастығы Қайрат Дәлбеков экс-президент Нұрсұлтан Назарбаевтың құдасы екенін айта кеткен.
