Қарағандыда божеткенге дене жарақатын салды деп айыпталған университет оқытушысы сотта ақталып шықты.
Қарағанды қалалық соты сәуірде қаладағы дәмханалардың бірінде болған төбелес кезінде оқытушы қыздың жағын сындырғаны үшін кінәлі деп таныған. Бірақ рақымшылық бойынша жазадан құтылды. Алайда сот оқытушыны жәбірленушіге 1,1 млн мың теңге төлеуді міндеттеді.
Сотталған педагог апелляциялық шағым түсіріп, сотта жеңіске жетті. Облыстық алқа мәжілісі ұстаздың кінәсі дәлелденбеді деген үкім шығарды, өйткені жәбірленуші төбелес барысында оны кім ұрғанын нақты білмейді.
«Айыпталушының жәбірленушіге қасақана дене жарақатын салғанын растайтын объективті дәлелдемелер алынбады. Жәбірленушінің алғашқы айғақтарына сәйкес, оны кім соққыға жыққанын көрмеген. Құрбысының айтуынша, оны айыпталушы ұрған. Алайда бұл куәгердің айғақтарына сыни көзбен қарау керек, өйткені ол мүдделі тұлға болып табылады — оның педагогпен қарым-қатынасы дұрыс болмаған. Осыған байланысты жеке араздық болған. Қақтығыс орнында болған куәгерлер де сотталған адамның жәбірленушіні ұрғанын көрмеді», — деді судья Еркеш Маукен.
Прокурор мен жәбірленушінің адвокаты соттан айыпталушының апелляциялық шағымын қабылдамауды және сот үкімін күшінде қалдыруды сұрады. Өз кезегінде оқытушының өзі бастапқыда өз кінәсін жоққа шығарған.
