Жезқазған қаласының тұрғыны бұрынғы бизнес серіктесін өлтірді

Жезқазғанда оқ жарақатын алған кәсіпкер қайтыс болды. Ол бұрынғы бизнес серіктесінің қолынан қаза тапты.

Жезқазған қаласының ПБ кезекші бөліміне екі қабатты үйдің пәтерінде кісі өлімі болғаны туралы хабарлама келіп түсті, деп хабарлайды Kazpravda.kz сайты Polisia.kz. сілтеме жасап.

Криминалдық полиция қызметкерлері «ізін суытпай» 60 жастағы қала тұрғынын ұстады.

Күдіктінің айтуынша, марқұм оның бизнестегі бұрынғы серіктесі болған. Кейін өзара бизнесті жауып, дүние-мүлікті бөліскен. Осының негізінде ер адамдар арасында бірнеше жылға созылған жанжал туындаған.

Күдікті гаражда аңшы мылтығын тазалап отырған кезде серіктесінің аулаға шыққанын көріп, оны атып тастаған.

 

Добавить комментарий