Жетісу облысында екі адам зардап шеккен жантүршігерлік жол апаты болды. Дерек Mitsubishi Galant автокөлігінің қатысуымен тіркелді. Жапондық шетел көлігінің 32 жастағы жүргізушісі Пенжім-Ынтымақ автожолында рульді басқара алмай, жол бойындағы бетон қоршауларына соқтығысқан.
Ауруханаға жеткізілген кезде көліктегі 37 жастағы жолаушы қайтыс болды. Автокөлік жүргізушісі жеңіл жарақат алып, медициналық тексеруден кейін амбулаториялық емделуге жіберілді.
Жетісу облысы ПД баспасөз қызметінің мәліметінше, жүргізуші оқиға орнында ұсталып, ол автокөлікті мас күйінде басқарған, бұл медициналық куәландырумен расталады.
Қазіргі уақытта аталған оқиғаға Қазақстан Қылмыстық кодексінің 345-1-бабының үшінші бөлігіне сәйкес тергеу амалдары жүргізілуде. Жыл басынан бері облыста мас жүргізушілердің кінәсінен 4 ЖКО тіркелді, онда 1 адам қаза тауып, 4 адам зардап шекті. Панфилов аудандық полициясы бастығының орынбасары Ернар Қалтаев кінәлі адамды қамауға алу мәселесі қарастырып жатқанын мәлімдеді.