Шымкентте дене шынықтыру сабағынан кейін жетінші сынып оқушысы қайтыс болды. Аталып өткендей, бала ауруханаға түскеннен кейін жансақтау бөлімінде ем алған.
Бұл туралы қалалық денсаулық сақтау басқармасы хабарлады.
«19 қарашада қалалық балалар ауруханасына өте ауыр жағдайда 2009 жылы туған жасөспірім жеткізілді , ол дене шынықтыру сабағы кезінде күрт жайсыз сезініп, әлсіреп, тұра алмай қалған. Кейін баланы кушеткаға жатқызды», — деп хабарлады Шымкент ДБ баспасөз қызметі. Ведомствода атап өткендей, мектеп дәрігері бірден мектеп директорын, баланың ата-анасын хабардар еткен.
Ведомствода атап өткендей, мектеп дәрігері бірден мектеп директорын, баланың ата-анасын хабардар еткен.
«Жүргізілген реанимациялық шараларға қарамастан, бала сағат 16:30-да қайтыс болды», — деп хабарлады Шымкент ДБ баспасөз қызметі.
Дәрігерлер оқушыға өкпе-жүрек жетіспеушілігі, өкпе ісінуі, бас миының ісінуі, жүрек бұлшық етінің кеңеюі диагнозын қойды.
«Оқушы Pfizer вакцинасын алған жоқ», — деп хабарлады Шымкент ДБ баспасөз қызметі.
Шымкент қаласы Білім басқармасының басшысы Жанат Тәжиеваның айтуынша, жетінші сыныптың оқушысы қайтыс болды.
Мектеп директорының айтуынша, бала дене шынықтыру сабағында өзін нашар сезінген, дене шынықтыру пәнінің мұғалімі жасөспірімді жеке кабинетіне апарып, мектептің медицина қызметкеріне оның жағдайын жеткізген. Дәрігер тексеріп, жедел жәрдем шақырды. Болған оқиға туралы баланың анасына дереу хабардар етілді.
«Жедел жәрдем баланы ауруханаға алып кетті. Бала жансақтау бөлімінде болған. 20 қараша күні таңертең жасөспірімнің жағдайын білу үшін анасына телефон шалғанда, ұлы түнде қайтыс болғанын айтты», — деді Жанат Тәжиева.