Батыс Қазақстан облысында құтқарушылар газ құбырына кепптеліп тұрып қалған мас және жартылай жалаңаш ер адамға көмектесті. Оның қалайша сол жерге кептеліп қалғаны белгісіз.
Батыс Қазақстан облысы Зачаганск ауылында көпқабатты үйдің қабырғасы мен газ құбырының арасында кептеліп қалған.
Ер адамды құтқарушылар алып шықты. БҚО ТЖД баспасөз қызметінің хабарлауынша, бұл оқиға Зачаганск ауылы, Мөңкеұлы көшесінде болған.
Көп қабатты үй мен газ құбырының ортасында, бірінші және екінші қабаттың арасында ер адам қысылып қалғаны туралы хабарлама сағат 06:13 келіп түсті. Құтқарушылар жарты сағатқа жетер-жетпес уақыт ішінде мас ер адамды шығарып алды, — деп хабарлады ведомствоның баспасөз қызметі.
Полиция департаменті аталған жағдайға түсініктеме берген жоқ.
