Майсак супертайфуны Жапонияның оңтүстік-батысындағы Кюсю аралына жақындады. Билік қазірдің өзінде 20 мың жергілікті тұрғынды эвакуациялап жатыр.
Жапонияда әуе компаниялары Майсақ супертайфунына байланысты 119 ішкі рейсті алып тастады.
Кестедегі өзгерістер негізінен Жапонияның оңтүстігіндегі Кагосима және Окинава префектураларындағы әуежайлардан келетін рейстерге қатысты екендігі көрсетілген.
Бұдан басқа,конструкциялардың құлауы салдарынан кем дегенде сегіз адам жарақат алды. Құлауға желдің қатты соғуы себеп болды.
Телеарнаның мәліметінше, супертайфун елдің оңтүстік-батысындағы Кюсю аралына жақындады. Осыған байланысты аралда орналасқан Нагасаки префектурасының басшылығы 20 мыңға жуық жергілікті тұрғынды эвакуациялау туралы бұйрық шығарды. Сонымен қатар, Оита префектурасының оңтүстік-батыс бөлігіндегі шамамен 70 мың адам эвакуациялауға дайындық туралы бұйрық алды.
Қазір супертайфун Майсак Қытайға қарай жылжуда. Желдің жылдамдығы оның орталық бөлігінде 45 м/с құрайды. Бұл 2020 жылы Тынық мұхитында пайда болған тоғызыншы тайфун және бірінші супертайфун.
Естеріңізге сала кетейік, тамыз айының басында Оңтүстік Кореяда жаңбыр жауып, су тасқыны мен көшкін орын алды. Ол кезде кем дегенде 31 адам қайтыс болып, тағы 11 адам хабар-ошарсыз кетті.
