Жапония билігі коронавирус індетіне байланысты туристер үшін енгізілген шектеулерді жеңілдету туралы шешім қабылдады.
Жапония елге кіру үшін өтінімдерді қабылдай бастады, деп хабарлайды жұма күні Associated Press агенттігі.
Жапонияның туризм агенттігі жұма күні 98 елден, оның ішінде Ресей, АҚШ, Ұлыбритания, Қытай және Оңтүстік Кореядан туристерден елге кіруге өтінімді қабылдай бастағанын мәлімдеді. Алғашқы туристер елге шілде айында келеді деп күтілуде.
Әзірге елге тек ұйымдастырылған туристік топтармен ғана келуге рұқсат етілген және ел билігі шетелдік қонақтар Жапонияға жеке өздері келуі үшін біраз уақыт керек деп есептейді.
Ережеге сәйкес, туристер маска тағып жүруге міндетті. Сондай-ақ, олар COVID-19 жұқтырған жағдайда медициналық шығындарды жабу үшін сақтандыру сатып алуы тиіс. Туристік топта адамдар санына шектеу жоқ, алайда барлық тур бойы топқа гид ілесіп жүруге міндетті.
Жапонияда халықаралық туризмді ішінара жаңғырту мамыр айының соңында өткен экспериментке негізделген ұсыныстарға сәйкес жүзеге асырылады. Оған 50-ге жуық адам қатысты, негізінен Аустралия, Сингапур, Тайланд және АҚШ туристік фирмаларының қызметкерлері болды.
Осы жылы Жапонияның қатаң шекаралық бақылауын ксенофобты деп айыптады, содан кейін ел шектеу шарасын біртіндеп жеңілдете бастады. 1 маусымда ел билігі Жапонияға кіруге рұқсат етілген санын күніне 20 мың адамға дейін ұлғайтты, оның ішінде Жапония азаматтары, шетелдік студенттер мен іскер саяхатшылар үшін.
