Жапония мен Швейцария басшылары Токиода өткен келіссөздер барысында Украина төңірегіндегі жағдайға байланысты РФ-ға қарсы санкциялық саясатты жалғастыруға келісті.
Жапония премьер-министрі Фумио Кисида мен Швейцария президенті Иньяцио Кассис те КХДР төңірегіндегі жағдайға қатысты пікір алмасты
Жапония премьер-министрі Фумио Кисида мен Швейцария президенті, федералдық сыртқы істер департаментінің басшысы Иньяцио Кассис Токиода өткен келіссөздердің қорытындысы бойынша Ресейге қарсы санкциялық саясатты жалғастыруға келісті.
Бұл туралы дүйсенбі күні Жапония СІМ сайтында жарияланған мәлімдемеде айтылған.
«Қос елдің басшылары РФ-ға қарсы қатаң санкциялық шараларды жалғастыруға келісті», — делінген мәлімдемеде.
«Әлемдік қоғамдастықты біріктіру мәселесі бұрынғыдан аса қажет болып тұр. Мен бұл мәселеге біздің маңызды серіктесіміз болып табылатын Швейцариямен тығыз ынтымақтастықтаса отырып ортақ көзқарас қалыптастырғым келеді», — деп ведомство Кисиданың сөзін келтіреді.
Сонымен қатар, қос елдің көшбасшылары «КХДР төңірегіндегі жағдайға қатысты пікір алмасып, Солтүстік Кореялық зымырандарды ұшыру, сондай-ақ жапон азаматтарын ұрлау мәселесіне ортақ көзқарас қалыптастыру үшін өзара іс-қимылды жалғастыруға келісті».
СІМ мәліметінше, Кассис сондай-ақ Жапония сыртқы істер министрі Есимаса Хаясимен келіссөздер жүргізіп, тараптар «Қауіпсіздік Кеңесін реформалау мәселесін, сонымен қатар БҰҰ аясындағы ынтымақтастықты дамытуға келісті».
Ресей президенті Владимир Путин 24 ақпанда Донбасс республикасы басшыларының өтінішіне жауап ретінде арнайы операция жүргізілетінін жариялады. Бұдан кейін АҚШ, ЕО елдері, Ұлыбритания, сондай-ақ бірқатар басқа елдер ресейлік жеке және заңды тұлғаларға қарсы санкция салды.
