Жапон үкіметі «Фукусима-Дайити» АЭС-тен суды теңізге төгетінін мәлімдеді. Бұл бір миллион тоннадан астам ластанған сұйықтық. Балықшылар дабыл қағуда.
Жергілікті БАҚ-тың хабарлауынша, суды жіберу жұмыстары 2022 жылы басталып, ондаған жылдарға созылады. Ластанған су мыңнан астам су қоймаларында сақталады.
Үкіметтің ресми шешімі қазан айының аяғына қарай қабылдануы мүмкін. Ел билігі балықшылардың наразылығына қарамастан, Тынық мұхитына су ағызу нұсқасын бұрыннан ұстанып келеді. Оған жауап ретінде үкімет олардың өнімдерін дамытуға және олардың мәселелерін шешуге көмектесуге дайын.
Бұл шешімге эко-белсенділер де қарсы. Бұдан бөлек Оңтүстік Корея бұл мәселеге бірнеше рет алаңдаушылық білдірді. Оңтүстік Корея билігінің пікірінше, мұндай суды ағызу теңіз ортасына «елеулі қауіп» төндіреді.
Tokyo Electric Power станциясының операторы қолда бар барлық су қоймалар 2022 жылдың жазына дейін толтырылады деп мәлімдегеннен кейін қысым күшейе түсті.
Өткен айдағы жағдай бойынша реактордың зақымдалған үш белсенді аймағының балқуын болдырмау үшін пайдаланылатын сумен араластыру кезінде ластанатын 1,23 млн тонна су 1044 су қоймаларында сақталған. Сарқынды су көлемі тәулігіне 170 тоннаға артты.
Tepco сұйықтық өңдеудің жетілдірілген жүйесі судан жоғары радиоактивті заттарды шығарады, бірақ атом электр станциялары үнемі сұйылтып, мұхитқа сумен төгіп тастайтын сутектің радиоактивті изотопы — тритийді сүзе алмайды.
Үкіметке кеңес берген сарапшылар тобы жыл басында суды ағызу «шынайы нұсқалардың» бірі болғанын мәлімдеді.
Сарапшылардың айтуынша, тритий адам үшін өте көп мөлшерде ғана зиянды, ал Атом энергиясы жөніндегі халықаралық агенттік сүзілген сарқынды суларды мұхитқа шығарылмас бұрын теңіз суымен араластыруға болады дейді.
«Йомиури симбун» газетінің мәліметінше, «Фукусима-Дайити» АЭС-тің суы қондырғының ішінде шығарылғанға дейін сұйылтылады, сондықтан ол 40 есе аз шоғырланған болады, ал бүкіл процесс 30 жылға созылады.