Жамбыл облысы прокуротурасы сүт өнімдерін өндіру бойынша өз жобасын жүзеге асыру үшін жергілікті әкімдіктен үш жылдан астам уақыт бойы егіс алқабын ала алмаған инвестор мәселесін тез арада шешті. «Нұрлы-жай» шаруа қожалығы жобаға 400 млн теңгеге жуық инвестиция салған.
Қадағалау жүргізу барысында прокурорлар осы ауданда аумағы 182 га пайдаланылмайтын ауыл шаруашылығы учаскесін анықтап, мемлекетке қайтарды. Прокуратураның көмегімен бұл жер учаскесі инвесторға бір ай ішінде берілді.
Бұл жағдай өңірдегі бизнес мүдделерін қорғауда және инвестициялық қызметті дамытуда прокуратураның рөлі маңызды екенін көрсетеді.