Украина президенті Владимир Зеленский бейнебайланыс арқылы Канн кинофестивалінің ашылуына қатысты. Атап айтқанда, ол 75-ші Канн фестивалінде сөз сөйледі.
Видео президенттің әлеуметтік желідегі ресми парақшасында пайда болды.
«Адамдардың өшпенділігі басылады, диктаторлар өмірден өтеді, халықтан тартып алған билік халыққа қайта оралады. Адамдар өмірден өтсе де, бостандық ешқашан өлмейді», — деп президент Чарли Чаплиннің «Ұлы диктатор» картинасындағы сөзін өз үндеуінде айтты.
Зеленский Украинадағы соғыс туралы кино өнерінің күшін айтып, «кино ешқашан үнсіз қалмау керек» екенін атап өтті.
Еске салайық, сәуірдің басында Владимир Зеленский Лас-Вегастағы Америкалық Grammy дыбыс жазу академиясының сыйлықтарын табыс ету рәсімінде сөз сөйлеп, әртістерді соғыс туралы үнсіз қалмауға шақырды.
