Украина Президенті Владимир Зеленский БҰҰ Бас хатшысы Антонио Гутерришке Ресей Украинаның маңызды порттары мен агроөнеркәсіп инфрақұрылымына шабуыл жасау үшін Иранның ұшқышсыз ұшақтарын қолданып жатқанын айтты. Бұл туралы Президент кеңсесі хабарлады.
Зеленский БҰҰ Бас хатшысына Украинаның ұлттық қауіпсіздігі мен әлемдік тұрақтылыққа төнген аталған қауіпке қатысты алаңдаушылық білдірді. Президент БҰҰ-ның Ресей тарапынан агрессияның салдарын азайтудағы күш-жігер маңызды екенін атап өтті және Украина халқының гуманитарлық қажеттіліктеріне жедел ден қоюға белсенді қолдау көрсетіледі деп үмітті.
Әңгімелесу барысында тараптар азық-түлік нарығының тұрақтылығы мен азық-түлік өнімдерінің экспорты үшін Қара теңіз астық бастамасының жұмысын қайта бастау перспективасын талқылады. Зеленский БҰҰ Бас хатшысына осы салада қолдауы мен ынтымақтастығы үшін алғыс білдірді.