Солтүстік Қазақстан облысындағы тас жолда жол-көлік оқиғасы салдарынан көмір тиелген КАМАЗ тіркемесі аударылды.
Облыстың ДП Солтүстік Қазақстан облысы Қызылжар ауданында,2020 жылдың 21 қыркүйегінде «КАМАЗ» автокөлігінің 38 жасар жүргізушісі Петропавлдан Есіл ауданына бара жатқан. Бағдаршамға тоқтаған көлікпен соғылып қалмас үшін машинасын жедел бұрып, тоқтатқанында үстіне көмір толтырылған тіркеме аударылып, жол жиегіндегі темір қоршауларға зақым келтірді деп хабарлайды.
Оқиға орнына келген Қызылжар ҰКП әкімшілік полиция инспекторы ЖКО фактісі бойынша материалды жинап, апат салдарын жою үшін жедел түрде тиісті шаралар қабылдады. «Қазақавтожол» ЖШС қызметкерлері бірнеше сағат ішінде зақымданған қоршауларды қалпына келтірді. Залал сомасы анықталғаннан кейін ҚР ӘҚБтК-нің 610-бабы бойынша жиналған әкімшілік материал сотқа беріледі.