Өтемақы төлемдері жалғасуда: қызметтегі міндетін атқару барысында короновирус жұқтырған 500 медицина қызметкері 2 млн теңгеден алды
Қазақстанның бас мемлекеттік санитарлық дәрігері Айжан Есмағамбетова барлық әкімдерге кешіктірмей өтемақы төлеу бойынша жұмысты жандандыру тапсырылғанын хабарлады.
«Денсаулық сақтау министрлігі күн сайын қаралған және мақұлданған төлемдер санына мониторинг жүргізеді. Біздің мәліметімізше, кеше 500 медицина қызметкері төлемақыны алған. Өңірлік комиссиялардың жұмысы тұрақты негізде жүргізуліде. Құжаттар қарастырылуда «, — деді Айжан Аймағамбетова.
2 млн теңге КВИ ауруын жұқтырған дәрігерлерге тиесілі. Бұл ақшаны алу үшін олар COVID-19 инфекциясын қызметтегі міндетін атқару барысында жұқтырғанын дәлелдеуі қажет. Мұнымен арнайы комиссиялар айналысады. Дәрігерлердің отбасыларына 10 млн теңге төлеуді тағайындау кезінде де осындай шарттар қарастырылған.
22 шілдеде енгізілген өзгерістерге сәйкес, дәрігерлерге біржолғы төлемақылар COVID-19 жұқтырған жағдайда ғана емес, сондай-ақ «вирустық пневмония, коронавирустық инфекцияны жоққа шығармайтын клиникалық және эпидемиологиялық белгілері бойынша» жұқтырған жағдайда да төленеді.